Өфөлә Еңеү көнөнә арналған байрам концерты үтә

Өфөлә Еңеү көнөнә арналған байрам концерты үтә

9 майҙа Өфө ҡалаһының «Торатау» конгресс-холлы амфитеатрында Еңеү көнөнә бағышланған «Халыҡ хәтерендә бөйөк батырлыҡ!» исемле байрам концерты була.

Концертҡа ветерандар, локаль һуғыштарҙа һәм ҡораллы конфликттарҙа ҡатнашыусылар, йәмәғәт ойошмалары вәкилдәре саҡырылған.

Программа киске сәғәт 7-лә башлана. Унда башҡорт эстрадаһы йондоҙҙары һәм ижади коллективтары: Ф.Ғәскәров исемендәге дәүләт академия халыҡ бейеүҙәре ансамбле, «Мираҫ» йыр һәм бейеү фольклор ансамбле, Башҡортостандың атҡаҙанған сәнғәт эшмәкәре Александр Лынник, Рәсәйҙең атҡаҙанған артисы, Башҡорт АССР-ының халыҡ артисы Геннадий Родионов, Башҡортостандың атҡаҙанған артисы Рәмил Бәҙәмшин, популяр йәш башҡарыусылар - Полина Кобец, Әлфиә Ниғмәтуллина, Ришат Абдуллин, Алиса Йомағәлиева, «Премьер»,  «Джентельмендар» төркөмдәре ҡатнаша.

Рәсәй йондоҙҙарының сығышы алдынан аудиторияны ҡыҙҙырыу өсөн «Zainetdin Neo Vision» төкөмө сығыш яһаясаҡ. Артабан тамашасыларҙы Рәсәй йырсыһы Максим һәм Рәсәйҙең халыҡ артисы Николай Басковтың сығыштары көтә.

Тантаналы концерт РСФСР-ҙың халыҡ артисы Лев Лещенко башҡарыуында «Еңеү көнө» йыры һәм киске сәғәт 10-да байрам фейерверкы менән тамамлана.

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb