Башҡорт дәүләт филармонияһы легендар композитор, РСФСР-ҙың халык артисты, Салауат Юлаев исемендәге дәүләт премияһы лауреаты Хөсәйен Фәйзулла улы Әхмәтовтың исемен йөрөтә һәм йыл да олуғ шәхескә арналған проект менән сығыш яһай.
Был проект быйыл да үҙ көсөндә һәм композиторҙың иң популяр йырҙарын, романстарын, сиюталарын сәхнәгә сығара. 22 ғинуарҙа үтәсәк концертта Башҡортостан Республикаһының халыҡ музыка ҡоралдары милли оркестры, филармония йырсылары, Заһир Исмәғилов исемендәге сәнғәт институты һәм Өфө сәнғәт училищеһы студенттары ҡатнашасаҡ.
Хөсәйен Әхмәтовтың һүнмәҫ рухи мираҫын бөгөн йәшәтеүсе, һаҡлаусы һәм киләһе быуындарға тапшырыусы сәнғәт әһелдәре бөтәһе бергә ошо һоҡланғыс матур сарала йыйыласаҡ.