2 февралдә Республика халыҡ ижады үҙәгенең «Урал» халыҡ сәнғәте галереяһында «Мираҫ» йыр һәм бейеү ансамбленең 30-сы юбилей миҙгеленә арналған «Сәхнә артына ҡараш» фотокүргәҙмәһе асыла. Эштәрҙең авторы - «Мираҫ» йыр һәм бейеү ансамбле директоры, Башҡортостандың атҡаҙанған мәҙәниәт хеҙмәткәре Байрас Ишбирҙин.

Фотоһүрәттәр коллекцияһы 2017 йылдан алып тупланған. Унда Франция, Болгария, Венгрия, Берләшкән Ғәрәп Әмирлектәрендәге гастролдәрҙән иҫтәлекле мәлдәр сағылған.

"Гастролдәр - һәр ижади коллектив эшмәкәрлегенең мөһим өлөшө. Улар артистарҙың һәм бөтә ансамблдең йәшәйеше өсөн кәрәк", - ти Байрас Вәли улы.

Сара 15:00 сәғәттә башлана.

Адресы: Ленин урамы, 56, Өфө ҡалаһы.