Мостай Кәрим “Йәләлетдин атай” әҫәрен замандаш дуҫы – Өфөнөң почетлы гражданины, баш ҡала хакимиәте башлығы Михаил Зайцевҡа бағышлаған. Йәләлетдин атай – Зайцевтың хәтирәләре буйынса яҙылған китап. Әҫәрҙе рус теленә әҙиптең улы Илгиз Кәримов тәржемә иткән.

Милли йәштәр театры әҫәрҙе сәхнәлә лә күрһәтте. Китаптың исем туйында Өфө ҡалаһы ҡала округы хакимиәте башлығы Өлфәт Мостафин Михаил Зайцев тураһындағы хәтирәләре менән уртаҡлашты.

Сарала Мостай Кәримдең шиғырҙары яңғыраны, “Йәләлетдин атай” спектакленән өҙөк тәҡдим ителде, шулай уҡ балалар йорттарында тәрбиәләнеүсе балаларҙың сығыштары булды. Яңы китап мәктәптәргә һәм китапханаларға бүләк ителде.