Кисә, 7 июль көнө,  М.Ғафури исемендәге Башҡорт академия драма театрында Рәсәй дәүләт академия Бәләкәй театры янындағы М.С.Щепкин исемендәге Юғары театр училищеһының (институт) махсус курсына уҡырға инеү имтихандары тамамланды.

Башҡорт драма театрының уҡыу йортона һуңғы махсус курс 2002 ойошторолғайны, хәҙер театрҙа ете драма актеры эшләй.

Ҡабул итеү комиссияһында Мәскәүҙән уҡытыусылар: Рәсәйҙең атҡаҙанған артисы, доцент Дмитрий Кознов, театр һәм кино актеры, фехтование буйынса тренер Борис Домнин, театр һәм кино актеры, актер оҫталығы буйынса уҡытыусы Дмитрий Зеничев, театр һәм кино актрисаһы Аля Кизилова 60  яҡын баланы баһаланы.

14 абитуриент ҡына Мәскәү ҡалаһында бушлай уҡыу мөмкинлеген алды, ҡалғандары түләп уҡыясаҡ. Актер һөнәрен һайларға теләүселәр республикабыҙҙың төрлө райондарынан килгәйне. Йыл әйләнәһенә театр артистары Башҡортостандың төрлө төбәктәре сығарылыш уҡыусылары менән ижади осрашыуҙар ойошторҙо.

М.С.Щепкин исемендәге Юғары театр училищеһының (институт) махсус башҡорт студияһына уҡырға ингән балаларҙың исемлеге билдәле булды. Быйыл Башҡортостандан 17 буласаҡ артистар һайлап алынды. Дүрт йылдан һуң улар башҡорт театрҙарына эшкә ҡайтырға тейеш.

Рәсәй дәүләт академия Бәләкәй театры янындағы М.С.Щепкин исемендәге Юғары театр училищеһының (институт) махсус курсына уҡырға ингән абитуриенттар исемлеге:

1.​ Ғәбитов Айнур

2.​ Ғәниев Ильнур

3.​ Ғарипов Айбулат

4.​ Даянов Нурислам

5.​ Итикеева Илүзә

6.​ Киреева Сабина

7.​ Мерәсова Илүзә

8.​ Сәғитова Лилиә

9.​ Солтанов Таһир

10.​ Тихонова Аэлита

11.​ Фаттахова Дилә

12.​ Хөсәинов Таң

13.​ Яҡупов Ильдар

14.​ Йәрмөхәмәтова Эльвира

15.​ Сәғиҙуллина Ынйы

16.​ Утәбаев Әбйәлил

17.​ Яҡупова Әлфиә

Бөгөн актер һөнәре бик популяр һәм бик күптәрҙе ҡыҙыҡһындыра. Иң боронғо һөнәрҙәрҙең береһе һаналған актер һөнәрендә уңыш ҡаҙаныу өсөн тырышлыҡ һәм бик күп һәләттәргә лайыҡ булырға кәрәк. Сәнғәт төрө булараҡ Боронғо Грецияла тыуған һәм иң абруйлы һөнәр- актерлыҡты һайланылар бөгөнгө абитуриеттар.

Киләсәгегеҙ яҡты һәм ижади уңыштарға бай булһын,һеҙҙе күркәм сәхнә һәм яңы үрҙәр көтә!

Автор: Гүзәл Багаева