27 июлдә Өфө ҡалаһында Ике фонтан майҙанында (Йәштәр театры янында) бейеү open air кисәһе була.

Ойоштороусылар хәбәр итеүенсә, бер майҙансыҡта zumba һәм Латин-Америка бейеүҙәре буйынса оҫталыҡ дәрестәре күрһәтеләсәк. Теләге булған һәр кем бейеүселәргә ҡушылып, яңы хәрәкәттәрҙе үҙләштерә ала.

Кисәнең аҙағында ҡатнашыусылар һәм ҡунаҡтар өсөн клубтың фитнес-картаһы уйнатыласаҡ.

Шулай уҡ майҙанда балалар анимацияһы эшләй. Инеү бушлай, сара киске сәғәт 7-лә башлана.