Кисә Өфөлә Салауат башҡорт дәүләт драма артистары "Бер, ике, өс..." спектаклен күрһәттеләр. Үҙенең ижад емешен баһаларға Мәскәүҙән пьесаның авторы Олжас Жанайдаров килде.Тамашанан һуң йәш драматургтар, яҙыусылар һәм актерҙар менән йылы осрашыу, фекер алышыу булды. Олжас Ерҙен улына уның әҫәре буйынса, ижады хаҡында бик ҡыҙыҡлы һорауҙар бирелде. Автор үҙенең тәьҫораттары менән бүлеште һәм спектаклде сәхнәләштереүсе режиссер Ильсур Ҡаҙаҡбаевҡа, бөтә ҡатнашҡан артистарға, театрға оло рәхмәт һүҙҙәрен белдерҙе.

"Киләсәктә лә казах драматургы менән дуҫлыҡ ептәребеҙ өҙөлмәҫ, ә киреһенсә, нығыныр тигән өмөттә ҡалабыҙ", - тип ышаналар театрҙа.