Кисә, йәғни 25 октябрь көнө, Х. Әхмәтов исемендәге Башҡорт дәүләт филармонияһында унынсы Халыҡ-ара «Sauerfest» орган фестивале башланды. Байрам кисәләре декабрҙең 20-нә тиклем дауам итәсәк.

Өфөлөләргә Италия, Испания, Франция илдәренең, Мәскәү, Екатеринбург, Санкт-Петербург ҡалаларының орган сәнғәте оҫталары менән осрашыу бәхете тейәсәк.

«Sauerfest» орган фестивален рәсәй музыка тәнҡитсеһе, виолончелист Артем Варгафтик алып барҙы.

Тамашасылар «Бах и Мендельсон. Перезагрузка» программаһын ихлас күңедән тыңланылар.

30 октябрь көнө Санкт-Петербург ҡалаһынан "Piligrim horn quartet" валторн квартетының килеүе көтөлә. "PiliGrim Horn Quartet “ репертуары бик бай, валторн квартет классикаһынан оригиналь әҫәрҙәр яңғыраясаҡ. Ансамблдә Станислав Авик, Мирон Кирилл, Павел Федоров, Никита Глагольев, Иван Васильев ҡатнашасаҡ.

Йәш музыканттар БДФ-ның органисы, БР-ның атҡаҙанған артисы Эльвира Хәйретдинова менән сығыш яһаясаҡтар.
10 ноябрь көнө Эльвира Хәйретдинова Мәскәү ҡалаһы гобоисы, халыҡ-ара конкурстар лауреаты Алексей Балашов менән дуэт башҡарасаҡ.

Башҡорт дәүләт филармонияһының матбуғат хеҙмәте хәбәр итеүенсә, 15 ноябрь көнө Италиянан М.Таривердиев исемендәге IX Халыҡ-ара органистар конкурсы лауреаты, органист үткәрергә йыйына.

3 декабрь көнө БДФ сәхнәһендә «Canto viva» ансамбленың сығышын ҡарай аласаҡһығыҙ.

11 декабрь көнө Париж ҡалаһынан Давид Кассан маэстроһы киләсәк. «SAUERFEST» халыҡ-ара фестивале 20 декабрь көнө испан музыканты Раул Родригестең сығышы менән тамамланасаҡ.


Гүзәл Багаева