15 майҙа М. Ғафури исемендәге Башҡорт дәүләт академия драма театрында М.С. Щепкин исемендәге Юғары театр училищеһының сығарылыш студенттарының гастролдәре башланасаҡ.  

Мәскәү студенттары  «Ҡоштар осорам» исемле концерт программаһын һәм диплом спектаклдәрен күрһәтәсәк. Тамашалар театрҙың Бәләкәй залында уҙасаҡ.

М.С. Щепкин исемендәге Юғары театр училищеһын быйыл Башҡортостандан 15 йәш артист тамамлай: Елизавета Алексеева, Айнур Ғәбитов, Илнур Ғәниев, Нурислам Даянов, Илүзә Итекәева, Илүзә Мерәҫова, Сабина Кирәева, Таһир Солтанов, Лилиә Сәғитова, Аэлита Тихонова, Әбйәлил Үтәбаев, Дилә Фәттәхова, Таң Хөсәйенов, Илдар Яҡупов, Элвира Йәрмөхәмәтова. Башҡорт студияһының художество етәксеһе – Рәсәйҙең атҡаҙанған артисы, профессор Дмитрий Кознов.