Башҡортостан Республикаһы Милли музейында "Совет фарфоры: сәнғәт һәм пропаганда" тип аталған күргәҙмә дауам итә.
Экспозицияла өс йөҙҙән ашыу экспонат бар. Уларҙы Өфө коллекционеры Валерий Мальков йыйған. Күргәҙмәнең үҙенсәлеге: бында Советтар Союзындағы бар фарфор завтодтарының да изделиеларын күрергә мөмкин. Экспонаттар араһында халыҡ оҫталарының да эштәре бар. Бала саҡ, йәшлек йылдарын хәтерләткән әйберҙәр күргәҙмәһенә рәхим итегеҙ, ти музей хеҙмәткәрҙәре.
Совет заманында етештерелгән фарфор изделиелары илебеҙ тормошон һәм йәшәйешен пропагандалаған. Күргәҙмәне тамаша ҡылыусылар был скульптураларға ҡарап, үҙҙәренең бала сағын иҫкә төшөрөр.
"Совет фарфоры : сәнғәт һәм пропаганда" тип аталған күргәҙмә Советтар иленең барлыҡ фарфор заводтарында етештерелгән статуэткаларҙы үҙ эсенә ала. Күргәҙмә ике ай эшләйәсәк.