Башҡортостан юлдаш телевидениеһы хәбәр итеүенсә, Өфөлә тележурналист һәм рәссам Татьяна Краснованың шәхси күргәҙмәһе асылды.

Татьяна Краснованың һуңғы ике йылдағы эштәре менән  баш ҡаланың 29-сы китапханаһындағы күргәҙмәлә танышырға мөмкин.    Өфөлә тележурналист һәм рәссам Татьяна Краснованың шәхси күргәҙмәһе асылды

Татьяна Краснова Башҡорт дәүләт педагогия университетының художество-графика бүлеген тамамлап һынлы сәнғәт буйынса уҡытҡан. Артабан ул  хеҙмәт юлын  радиола дауам итә. Журналистика менән тап шул йылдарҙа ныҡлап ҡыҙыҡһына һәм телевидениела программалар әҙерләй башлай.

Мәҙәниәт, ижад, ҡатын-ҡыҙҙар тормошон яҡтыртҡан күп кенә тапшырыуҙары Башҡортостан юлдаш телевидениеһында эфирға сыға.

Һуңғы йылдарҙа Татьяна Краснова баҡсасылыҡ тураһындағы тапшырыуҙар алып бара. Ижадсы буш ваҡыттарында батик ысулы менән һүрәттәр төшөрә. Сағыу буяуҙар менән эшләнгән шарфтарын һәм  картиналарын ижадсы һатыуға ла сығармаҡсы.