Фестиваль өс турҙа үтте һәм еңеүселәр 15 декабрь көнө Республика халыҡ ижадының Мәҙәниәт йортонда гала концертта сығыш яһаны. «Урал батыр» исемен йөрөткән этно-рок фестивале ике тиҫтә йылдан ашыу ваҡыт үткәс, яңыртылған вариантта үткәрелә.

Бәйгенең һайлап алыу туры 30 ноябрҙә  тамамланды. Барлыҡ турҙарҙы ла уңышлы үткән 8 төркөм гала-концертта сығыш яһаны. Барлыҡ башҡарыусылар ҙа тере тауыш менән йырланы.
Фестиваль «Елмәрҙәк» төркөмө сығышы менән асылды. Еңеүсе төркөмдәр диплом һәм тауыш яҙҙырыу студияһына сертификаттар менән бүләкләнде.
«Урал батыр» рок-фестиваленә «Урал моңо» фестивалендә нигеҙ һалына һәм 90-cы йылдарҙа беренсе башҡорт төркөмдәре барлыҡҡа килә башлай.
«Урал батыр» этно-рок фестиваленең маҡсаты- рок-фестиваль, ошо йүнәлештә эшләгән төркөмдәрҙе берләштереү, уларҙың ижадына ярҙам итеү, ошо йүнәлешкә йәштәрҙе йәлеп итеү.