Өфөлә күптән түгел,  1 апрелдә ҙур музыкаль проект — Башҡортостан Республикаһында Владимир Спиваков фонды академияһы асылды.

Сараны ойоштороусылар — Башҡортостанда Владимир Спиваковтың хәйриә фонды, Владимир Спиваковтың халыҡ-ара хәйриә фонды (Мәскәү), республиканың Мәҙәниәт министрлығы.

2-7 апрель дауамында  Өфө, Учалы һәм Салауат ҡалаларының мәғариф майҙансыҡтарында «Фортепиано», «Скрипка», «Кларнет», «Флейта», «Саксофон», «Вокал» һәм «Һынлы сәнғәт» йүнәлештәре буйынса оҫталыҡ дәрестәре ойоштороласаҡ.

Концертта В. Спиваков фонды программаларында ҡатнашыусылар, Башҡортостан Башлығы стипендиаттары — Даян Динәхметов (виолончель), Ирина Ғәлиева (фортепиано), Вагэ Нерсисян (скрипка), Анна Вәлиева (фортепиано) бер сәхнәлә сығыш яһаны.

 «Зәңгәр ҡош» телевизион конкурсында ҡатнашҡан Ләйсән Золотарева «Урал батыр» эпосынан өҙөк ятлап барыһын да хайран итте.