5 февралдә «Өфө уттары» күңел асыу комплексында Рәсәйҙең билдәле рок йырсыһы Юрий Шевчук һәм «Outrider», «Boogie Band», «The Donuts» төркөмдәре ҡатнашлығында хәйриә концерты үтәсәк.
Музыканттар үҙҙәренең сығышын «ДДТ» төркөмөнөң тәүге составы гитарасыһы Рөстәм Асанбаевҡа ярҙам йөҙөнән ойоштора. Әлеге ваҡытта музыкант яман шештән дауаланыу курсы үтә, билет һатыуҙан килгән аҡса медицина сығымдары һәм реабилитация курстары өсөн түләүгә йүнәлтеләсәк.
Билеттар «Өфө уттары» күңел асыу комплексы кассаларында ғына һатыла, хаҡы 1500-ҙән алып 3500-гә тиклем. Телефон: 290-86-90, 290-86-86.