Республика халыҡ ижады үҙәге http://rcntrb.ru/news/1442 хәбәр итеүенсә 16-17 мартта  Өфөлә ҡумыҙсылар һәм өзләүселәр республика семинары үтә.

Сарала доньяның виртуоз ҡумыҙсыһы, Ш.Бабич исемендәге йәштәр премияһы лауреаты, Башҡортостандың атҡаҙанған мәҙәниәт хеҙмәткәре Миңдеғәфүр Зәйнетдинов, 2009 йылда төбәк -ара өзләүселәр бәйгеһендә гран-при яулаусы, Башҡортостандың атҡаҙанған мәҙәниәт хеҙмәткәре Илһам Байбулдин, шулай уҡ 2011 йылда төбәк -ара өзләүселәр конкурсы гран-приһын яулаусы Артур Ғайсаровтың ҡатнашыуы көтөлә.

Ҡумыҙсылар һәм өзләүселәрҙән оҫталыҡ дәрестәре, шәхси конкультациялар алыу мөмкинселеге буласаҡ.

Семинарҙа ҡатнашыусыларға сертификаттар тапшырыу ҡаралған.

Семинар түбәндәге адрес буйынса үтә: Өфө ҡалаһы, Кустарная урамы, 17, башлана 10.00 сәғәттә. Рәхим итегеҙ!