Өфөлә үтәсәк "Үлемһеҙ полк" Бөтә Рәсәй гражданлыҡ-патриотик акцияһының программаһы менән танышығыҙ

Өфөлә үтәсәк  "Үлемһеҙ полк" Бөтә Рәсәй гражданлыҡ-патриотик акцияһының программаһы менән танышығыҙ

9 майҙа, иртәнге сәғәт 11-ҙә республиканың барлыҡ ҡала-райондарында "Үлемһеҙ полк" Бөтә Рәсәй гражданлыҡ-патриотик акцияһы башланасаҡ. Акция алдынан Бөйөк Ватан һуғышы фронттарында һәләк булғандарҙы Тынлыҡ минуты менән иҫләйәсәктәр. Һуғыш ҡаһармандары порттреттары менән йөрөштө Башҡортостан юлдаш телеканалы менән "Спутник ФМ" радио станцияһы тура эфирҙа күрһәтәсәк.  Өфөлә акцияға ҡарата үҙгәрештәр бар. Колонна тәүҙә Октябрь проспекты менән Шәфиев урамы киҫелешендә башланып, "Галле округы" туҡталышына ҡарай төҙөләсәк, "Дан бульвары" туҡталышы янында тамамланыуы көтөлә. Былтырғы акциялағы кеүек тәүҙә аҡ кейемле балалар осҡан торналар кеүек теҙеләсәк. Артабан Еңеү байрағы һәм 112-се Башҡорт кавдивизияһы байрағы күсермәләрен алып барған төркөм торасаҡ.  Колоннала республика етәксеһе Р. Хәбировтың, Өфө мэры Өлфәт Мостафиндың һәм республиканың хәрби комиссары Игорь Харченконың да ҡатнашыуы көтөлә. Улар менән бергә Башҡортостанды Советтар Союзы геройҙары һәм Дан орденының тулы кавалерҙары туғандары барасаҡ.  "Үлемһеҙ полк"та ҡатнашыусылар иртәнге сәғәт 10-дан 11-гәсә йыйыласаҡ.

 

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb