Башинформ» мәғлүмәт агентлығы хәбәр итеүенсә Өфөләге И. Яҡутов исемендәге парк бер көнгә совет заманына кире ҡайтырға саҡыра. 12 июндә, Ҡала көнөндә, унда совет заманы стилендә ҙур байрам уҙғарыла.

Байрам уңайынан урындағы халыҡ ретро-автомобилдәр күргәҙмәһен ҡарай, асыҡ һауала шашка, лото һәм домино уйнай ала. Теләге булғандарға ГТО нормаларын тапшырырға, шулай уҡ «Әсәй, атай һәм мин — спорт ғаиләһе» спартакиадаһында ҡатнашырға тәҡдим ителә. Ҡунаҡтар өсөн гимнастарҙың сығыш яһауы көтөлә. Улар 1980 йылды Олимпиаданы иҫкә төшөрөп, факел тотоп йүгерәсәк. Кескәйҙәр ҙә иғтибарҙан ситтә ҡалмаясаҡ — аниматорҙар улар өсөн бүләктәр менән конкурстар, уйындар әҙерләгән.

Байрам совет фильмдарын ҡарау менән тамамлана. Ҡунаҡтарға үткән йылдарҙағы образдарҙа килергә кәрәк. Байрам барышында совет фильмының иң яҡшы персонажы конкурс ойошторола, тип хәбәр итә ҡала хакимиәте.

Сара көндөҙгө сәғәт 2-лә башлана.