"Башҡортостан" киностудияһында Мостай Кәримдең "Өс таған" фильмының төп ролдәренә йәш актерҙар һайланды.
Бәхетлеләр иҫәбенә Баймаҡ районынан өс егет: Ғабдулла ролендә Илдар Бикҡолов, Яҡуп ролендә Ильяс Кинйәбулатов һәм Айҙар ролендә Руслан Ҡаҙаев һәм шулай уҡ Вәзир ролендә Арыҫлан Ғәлиев инде.
Фильм август башында Ғафури районының Толпар ауылында төшөрөлә башлаясаҡ.
Картинаның режиссеры —Өфөнән һөйөү менән», «Еңмеш», «Беҙ ҡол түгел», «Пилорама», «Әсе бал», «Әсә» фильдары менән билдәлелек яулаған Айнур Асҡаров.
Фильм Башҡортостандың Мәҙәниәт министрлығы булышлығында тиҙҙән төшөрөрөлә башлаясаҡ.
Хәтерегеҙгә төшөрәбеҙ, быйыл «Башҡортостан» киностудияһы бөйөк башҡорт яҙыусыһы Мостай Кәримдең бер быуатлыҡ юбилейына арналған «Өс таған» тулы метражлы нәфис фильмын төшөрөү өсөн республика Башлығының 9 миллион һумлыҡ грантын алды.