Башҡортостан Хөкүмәте рәсми сайтынан хәбәр итеүҙәренсә, 6 июндә Өфөлә Башҡортостан Башлығы Рөстәм Хәмитов 2016 йылда Мексикала үткән Бөтә донъя фольклориадаға арналған фотокүргәҙмә менән танышты. Экспозицияла халыҡ-ара фольклор байрамының төрлө майҙансыҡтарында эшләнгән һәм донъя илдәре ижад коллективтарын һүрәтләгән фотоһүрәттәр тәҡдим ителгән. Айырым иғтибар Фольклориадала ҡатнашҡан республика делегацияһына бүленгән. Башҡортостан Республикаһы Грантына ойошторолған күргәҙмә республиканың Милли музейында «Тәбиғәт. Кеше. Мәҙәниәт» халыҡ-ара акцияһы сиктәрендә үтә.