Башҡортостан Республикаһының тәүге президенты Мортаза Рәхимов — китаптың төп геройы. Ошо тураһында «Башинформ» мәғлүмәт агентлығы хәбәр итә.

Билдәле башҡорт яҙыусыһы, Салауат Юлаев исемендәге дәүләт премияһы лауреаты Ғәлим Хисамов «Мортаза Рәхимов» тигән яңы документаль роман яҙған. Әҫәрҙең авторы үҙе лә 1990 һәм 2000 йылдарҙағы төп ваҡиғаларҙа ҡатнашҡан, 1994-1998 йылдарҙа матбуғат министры вазифаһында эшләгән.

Роман 2020 йылдың икенсе кварталында «Ағиҙел» журналында донъя күрергә тейеш.