Өфөлә «Эко-Берег» IX Халыҡ-ара архитектура фестивале асылды һәм үҙенең майҙанында төрлө илдәрҙән һәм ҡалаларҙан архитекторҙар йыйҙы. Фестиваль программаһына – «Ҡала төҙөлөшө нигеҙҙәрен реновациялау мәсьәләләре» тип аталған ғилми конференция, бар донъяға билдәле булған архитекторҙар оҫталыҡ дәрестәре, баш ҡалабыҙҙың яңы төҙөлөш объекттары буйлап экскурсия.
Был фестивалдең Өфө өсөн мөһим ваҡиғаһы – Сутолока йылғаһы дельтаһын эко-регенерациялауға архитектор-ҡала төҙөү концепцияһын әҙерләүгә конкурс. Унда 24 проект ҡарала. Еңеүселәргә 500, 300 һәм 100 мең һумлыҡ премиялар биреләсәк. Еңеүсене 24 августа билдәләйәсәктәр. Олег Яровиков фотоһы.