Зәйнәб Биишева исемендәге «Китап» нәшриәтендә Өфөлә үтәсәк ШОС һәм БРИКС саммиттары айҡанлы донъя халыҡтарының әкиәттәрен туплаған китап донъя күрҙе. 

Башҡорт, рус, ҡаҙаҡ, һинд һәм башҡа саммитта ҡатнашыусы халыҡтарҙың әкиәттәре йыйынтыҡҡа ингән. Китап рус телендә сыҡҡан. Унда яҡшылыҡ, изгелек, ҡыйыулыҡ, мәрхмәтлек кеүек бар милләттәрҙең дә мәңгелек ҡиммәттәре булып иҫәпләнгән төшөнсәләрҙе данлаған әкиәттәр йыйылған.

Тиражы 3000 дана. Төҙөүселәре – Екатерина Телина, Елена Арямнова, Руслан Манаков, рәссамы – Артур Василов.  Китапты нәшриәт кибетендә һатып алырға мөмкин.