Күптән түгел генә әле бер төркөм, Башҡорт әҙәбиәтенең киләсәге булыр йәштәр, ҡышҡы оҙон бер кистә шиғырҙарын уҡышырға, фекер алышырға, тәжрибә уртаҡлашырға, ғөмүмән, йәш ижадташының нимә менән тын алғанын белешергә, тип ҡайнар сәй артына йыйылып алғайны.

Бына инде бөгөн, ул йәштәребеҙҙең һәр кеменең үҙенә генә хас күңел торошо, үҙ фекере, йәмғиәттәге үҙбилдәләнешенең ауазы булып барлыҡҡа килгән - “Күңелемдә йыһан йөрөтәм” исемле шиғри аудиойыйынтыҡты тәҡдим итәбеҙ. Әлбиттә, һәр ваҡыт беренсе эш еңел бирелмәй һәм шуға күрә - был аудиойыйынтыҡтың беренсе серияһы ғына әле. Киләсәктә йылдар ыңғайына ҡәләмдәре шымара, халыҡ араһында исемдәре билдәле була барған йәштәр был эшкә бик етди тотонор һәм шиғриәттең, һүҙ сәнғәтенең иң юғары нөктәһен яуларға, тип ҡуйған маҡсаттарына ирешер. Уңыштар ғына теләргә ҡала йәш шағирҙарыбыҙға.

Аудиойыйынтыҡтың авторҙары:

1. Инсаф Хужабиргәнов

2. Әлфидә Ҡансурина

3. Денис Ғилманов

4. Розалия Зарипова

5. Тимур Рәхмәтуллин

6. Зарина Бағышаева

7. Айбулат Сисәнбаев

8. Зөһрә Сафина

9. Мансур Ҡаҙаҡаев

10. Айгөл Йәмилева-Ғәбитова

11. Наҙгөл Ғәлиева

12. Таңсулпан Рәсүл