Флорид Бүләков 1948 йылдың 23 февралендә Мишкә районында тыуған. Бөрө педагогия институтын ситтән тороп тамамлай. 1973-89 й.й. Мишкә районының «Дуҫлыҡ», «Ленинсы», «Совет Башҡортостаны» республика гәзиттәрендә эшләй. 1992 йылдан БР Яҙыусылар союзы ағзаһы.

Флорид Бүләков әҙәбиәткә үткән быуаттың 80-се йылдарында килә. Ул 20 тиҫтәгә яҡын пьесалар авторы. Флорид Миңлемулла улының әҫәрҙәре Рәсәйҙең һәм башҡа илдәрҙең 150 яҡын театрҙарында ҡуйыла.

БР Мәҙәниәт министрлығы әҙиптең яҡындарының ауыр ҡайғыһын уртаҡлаша.

Мәрхүм менән хушлашыу 20 ғинуар 11.00 сәғәттә Мәжит Ғафури исемендәге Башҡорт дәүләт академия драма театрында үтә.