"Юлдаш" мәғлүмәт һәм йыр-моң каналы "Рәсәй патриоты-2014" Бөтә Рәсәй конкурсында еңеү яуланы. Конкурсҡа "Хәтер мәңгелек" эссе-иншалар циклы тәҡдим ителде. Баһалама ағзалары был тапшырыуҙарҙа Бөйөк Ватан һуғышы темаһының асылышын, музыкаль биҙәлештең юғары кимәлдә булыуын айырып билдәләй һәм "Беҙ-Рәсәйлеләр" номинацияһында еңеүсе тип иғлан итә. Милләт-ара татыулыҡты, Рәсәй халыҡтарының берҙәмлеген, тарихтағы әһәмиәтле мәлдәрҙе сағылдырыусы бихисап эштәр араһында тап "Юлдаш" каналы тапшырыуҙары иң юғары баһа ала. Әйткәндәй, мәртәбәле конкурс быйыл 13-сө тапҡыр ойошторола. Быйыл еңеүселәрҙе бүләкләү тантаһы 29 сентябрҙә баш ҡалабыҙ Өфөлә үтте.