Баш ҡалабыҙҙың Менделеев һәм Урман техникумы урамдары киҫелешкән ерҙә ат скульптураһы урынлаштырылды. 

Яңы арт-обьекттың бейеклеге өс метр тирәһе. Йылҡы малының фигураһы 1 ай тирәһе эшләнгән. Скульптура нигеҙе итеп ҡағыҙ һәм монтаж күбеге менән тултырылған металл каркас алынған. Ат таштар өҫтөндә, артҡы аяҡтарына күтәрелгән рәүештә һынландырылған. Авторы, рәссам Ринат Мөхәмәтов әйтеүенсә, йылҡы - Октябрь районы символдарының береһе, уны урынлаштырыу урыны итеп әлеге урын да юҡҡа һайланмаған - эргәлә генә "Аҡбуҙат" ипподромы.