Бөгөн М. Ғафури исемендәге Башҡорт академия драма театрының Бәләкәй сәхнәһендә «Бэби-театр» апробацияһы үтте. Был әкиәт бәләкәй тамашасыларҙың ғына түгел, ә уларҙың ата-әсәләренең дә йөрәген яуланы.
«Бәпәй-театр»ын ҡуйыусы ижади төркөмдә режиссер Алмаз Саҙрыев, рәссам Павла Никитина, хореограф Алина Мостаева, композитор һәм анимация буйынса рәссам Әмир Ғәлиәскәров эшләй.
Бәпестәр өсөн тәғәйенләнгән тамашала актерҙар Юнир Ҡоланбаев, Лилиә Ғәлина, Морат Рафиҡов һәм Әлфирә Зәһиҙуллина ҡатнашалар.
Бэби-театр спектакленең премьераһы Башҡорт академия драма театрының Бәләкәй сәхнәһендә 24 ноябрҙә (йәкшәмбе) 16:00 сәғәттә уҙасаҡ.