Башҡорт дәүләт филармонияһы артистары «Ә һин йәшә!» йырына клип тәҡдим иттеләр. Клип коронавирус инфекцияһы пандемияһына бәйле үҙизоляция шарттарында төшөрөлгән һәм монтажланған.
Клипты яҙҙырыуҙа филармонияның 21 солисы ҡатнашҡан. Ролик идеяһы авторы – эстраданың художество етәксеһе Сулпан Асҡарова, һүҙҙәр авторы – Минзәлә Яхина, музыка авторы – Гүзәл Сиражетдинова. Мастеринг – Илшат Яхин һәм Эдуард Исламов, монтаж режиссеры – Илнур Хәкимов.