Башҡортостан Татарстан башҡорттарына туған телен өйрәнеүҙә ярҙам күрһәтә

Башҡортостан Татарстан башҡорттарына туған телен өйрәнеүҙә ярҙам күрһәтә

Башҡортостан Республикаһы Татарстан башҡорттарына башҡорт телен өйрәнеүҙә ярҙам күрһәтә. Татарстандың Яр Саллы ҡалаһында һәм Туҡай районында йәшәгән алты меңгә яҡын милләттәшебеҙҙе ошо мәсьәлә бик борсой. Ошо тураһында «Башинформ» мәғлүмәт агетлығы хәбәр итте.

Татарстан Республикаһының Башҡорт ҡоролтайы рәйесе һәм Түбәнге Кама ҡалаһының «Урал» башҡорт милли-мәҙәни автономияһы рәйесе Ғәли Хәсәнов һүҙҙәренсә, элекке йылдарҙа мәктәптә уҡытыу башҡорт телендә алып барылған, ә һуңынан Йәкшәмбе мәктәбе ҡарамағына тапшырылған. Ләкин хәҙер күп кенә башҡорт ғаиләләре туған телен өйрәнергә теләүе тураһында ғариза менән мөрәжәғәт иткән.

Башҡорт телен өйрәнеүҙе тергеҙеү мәсьәләһе иң мөһимдәренең береһе булып тора. Статистика буйынса, Татарстан Республикаһында 13 726 башҡорт йәшәй, уларҙың күпселеге Яр Саллыла тупланған — 5904 кеше.

Татарстандың Башҡорт ҡоролтайы йәштәр менән эшләүгә ҙур иғтибар бүлә. Татарстан Республикаһының Башҡорт йәштәре ҡоролтайы үҙ проекттарын Татарстан халыҡтарының йәштәр ассамблеяһы составында тормошҡа ашыра. Әлеге ваҡытта йәштәр ойошмаһы 80 башҡортто берләштерә, был эште Ҡазан университетының юридик факультеты студенты Лиана Илекәева алып бара.

 

 

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb