Башҡортостандан уҡыу алдынғылары, төрлө олимпиадаларҙа еңеүселәр, хәрби бурысын үтәгәндә һәләк булғандарҙың балалары, балалар йорттарында тәрбиәләнеүселәрҙең бер төркөмө – 114 бала Кремль шыршыһына юлланды.

Байрам, ғәҙәттәгесә, Кремль һарайында ойошторола. Шыршы тантанаһына иһә ил субьектарынан биш меңдән ашыу бала киләсәк. Балаларҙы уйын майҙансыҡтары, техник, ижади һәм оҫтаханалар, Яңы йыл тамашаһы һәм әлбиттә, Ҡыш бабай бүләге көтә.