Бөгөн яҙыусы, драматург, шағир Ҡадир Даяндың тыуыуына 110 йыл. Ҡадир Хәким улы Даянов Силәбе өлкәһенең хәҙерге Ҡоншаҡ районы Ҡоншаҡ ауылында тыуған.
К.А.Тимирязев исемендәге Башҡорт педагогия институтын тамамлап Стәрлетамаҡ педагогия училищеһында уҡыта. Бөйөк Ватан һуғышында ҡатнашҡан, Ҡыҙыл Йондоҙ ордены кавалеры. Һуғыштан һуң Башҡорт китап нәшриәтендә редактор һәм БАССР Яҙыусылар союзында әҙәби консультант булып эшләй.
Уның балалар өсөн “Ағиҙел ярында”, “Тимеркәй” китаптары баҫыла. Ҡ.Даяндың шиғырҙарына күп йырҙар ижад ителгән.”Шайморатов генерал” йыры ғына ла халыҡ араһында киң билдәлелек яулаған һәм яратып йырлана.