Мәжит Ғафури исемендәге Башҡорт академия драма театры коллективы театрҙың 100 йыллыҡ юбилейына арналған гастролдәрен дауам итә — 15, 16 октябрҙә Алма-Ата ҡалаһының Мөхтәр Ауэзов исемендәге Ҡаҙаҡ дәүләт академия драма театры сәхнәһендә сығыш яһаясаҡ.
Ҡаҙағстан тамашасыһына 3 спектакль тәҡдим ителәсәк: М.Буранғолов пьесаһы буйынса «Шәүрәкәй» музыкаль комедияһы (режиссеры — А.Абушахманов), А.Баймөхәмәтовтың «Ҡалдырма, әсәй!» повесы буйынса «Хыялға ҡаршы» спектакле (А.Ишбулдина инсц., режиссеры — И.Ҡаҙаҡбаев) һәм кескәй тамашасылар өсөн Д.Урбандың «MOUSE STORY» музыкаль әкиәте (режиссеры — И.Ҡаҙаҡбаев).