Шишмә районы Келәш ауылында төҙөлөш аҙағына яҡынлашып килә.
«Бында Мостай Кәрим, шулай уҡ шағир Сәйфи Ҡудаш, йырсы Фәриҙә Ҡудашева һәм мәғрифәтсе Зыя Камалиға бағышланған музей экспонаттары урын аласаҡ», - ти Шишмә районы мәҙәниәт һарайы директоры урынбаҫары Раушана Байғужина.
Быйыл Мостай Кәрим энциклопедияһы донъя күрә. Өфөләге бейек йорттарҙың береһендә шағирҙың портреты буйынса граффити эшләнә. Мәскәүҙә һәм Өфөлә юғары кимәлдә тантаналы ултырыштар үтә. Киләһе аҙнала Ҡаҙағстанда ла Башҡортостандың халыҡ шағиры Мостай Кәримдең юбилейы билдәләнә.