Мәжит Ғафури исемендәге Башҡорт академия драма театры үҙ изоляция ваҡытында эшен дауам итә һәм тамашасылар менән аралашыуҙы онлайн форматҡа күсерҙе.
Театрҙа элек күҙмә-күҙ ултырып уҡыған әҫәрҙәр хәҙер яҙма вариантҡа күсә. «Читка» тигән айырым театр жанры яңы пьесалар менән таныштырып бара.
5 апрелдә театрҙың YouTube каналында француз актрисаһы һәм драматург Ясмина Резаның бөтә донъяға билдәле «Бог резни» тигән комедияһының видеоһы һалынды – пьесаны Гөлнара менән Алмас Әмировтар һәм Гөлназ менән Руслан Хайсаровтар уҡынылар.
Пьеса геройҙары -ике ғаилә, уларҙың малайҙары мәктәптә һуғышҡан да һәм шул турала һөйләшеүҙәр бара. Һәр ғаилә үҙен хаҡлы, тип иҫәпләй, әммә улар үҙҙәренең проблемаларын күрмәйҙәр. 2009 йылда пьеса «2008 йылда Лондондағы иң яҡшы комедия» тигән исемгә лайыҡ була һәм Лоуренс Оливьеның театр премияһын ала.