Мәжит Ғафури исемендәге Башҡорт академия драма театры Санкт-Петербург ҡалаһына бара. 26, 27, 28 октябрҙә төньяҡ баш ҡала халҡына һәм ҡунаҡтарына ике спектакль күрһәтәләр. Сәфәр гастролдәр һәм Халыҡ-ара театр Олимпиадаһында ҡатнашыу сиктәрендә ойошторола.

Театрҙың әҙәбиәт бүлегенән хәбәр итеүҙәренсә, 26 октябрҙә Ленсовет исемендәге Театрҙың Бәләкәй сәхнәһендә Флорид Бүләковтың «Һөйәһеңме — һөймәйһеңме» спектакле (режиссеры – Илсур Ҡаҙаҡбаев) ҡуйыла.

27, 28 октябрҙә Г.А.Товстоногов исемендәге Ҙур драма театры сәхнәһендә Гүзәл Яхинаның «Зөләйха күҙҙәрен аса» романы буйынса спектакль күрһәтелә (режиссеры – Айрат Абушахманов). Спектакль – романдың тәүге сәхнә кәүҙәләнеше. Ҡуйылыш йәмғиәттә резонанс тыуҙырҙы, тамашасыларҙа ҙур ҡыҙыҡһыныу менән файҙалана, театр эксперттарының юғары баһаһына лайыҡ булды, байтаҡ театр фестивалдәрендә ҡатнашты. 2019 йылда спектакль иң абруйлы Милли театр премияһы – «Алтын битлек» лауреаты исемен алды.