1-2 февралдә Мостай Кәрим исемендәге Милли йәштәр театры Мәскәүҙә «Модерн» драма театрында гастролдәр менән сығыш яһай. Баш ҡала тамашасыларына ике спектакль күрһәтелә.
1 февралдә 18:00 сәғәттә — Мөхәмәтша Буранғоловтың «Башҡорт туйы» романтик драмаһы. Ҡуйыусы режиссер – Башҡортостан Республикаһының атҡаҙанған артисы, Шәйехзада Бабич исемендәге дәүләт йәштәр премияһы лауреаты Азат Йыһаншин.
2 февралдә 18:00 сәғәттә Йәштәр театры коллективы Мостай Кәримдең «Беҙҙең өйҙөң йәме» һәм «Өс таған» повестары буйынса спекталь күрһәтә. Ҡуйыусы режиссер – Башҡортостан Республикаһының атҡаҙанған сәнғәт эшмәкәре, Шәйехзада Бабич исемендәге дәүләт йәштәр премияһы лауреаты Мөсәлим Күлбаев.
Сығанаҡ: https://kulturarb.ru/ru/news/nmt-im-m-karima-vystupit-s-gastrolyami-v-moskve