Башҡортостан Башлығы Радий Хәбиров 2019 йылда Зәйнәб Биишева исемендәге «Китап» нәшриәтенең – 100, Башҡортостан Республикаһы Яҙыусылар союзының 85 йыллығына әҙерләнеү һәм уҙғарыу тураһындағы указға ҡул ҡуйҙы.
Тейешле указ рәсми хоҡуҡи мәғлүмәт порталында баҫылды. Документҡа ярашлы, ойоштороу комитетын республика хөкүмәте вице-премьеры Фәнүр Йәғәфәров етәкләй. Ойоштороу комитеты юбилей саралары планын әҙерләргә һәм раҫларға, финанслау сығанаҡтарын билдәләргә тейеш.
Муниципаль райондар һәм ҡала округтары хакимиәттәренә мәҙәниәт, мәғариф учреждениеларында саралар ойошторорға, шағирҙарҙы, яҙыусыларҙы тантаналы ҡотларға тәҡдим ителде. Хәтерегеҙгә төшөрәбеҙ, юбилей йылында Башҡортостан Республикаһы Яҙыусылар союзының бинаһы төҙөкләндерелде.
http://www.bashinform.ru/bash/1374633/