Фәйзи Ғәскәров исемендәге дәүләт академия халыҡ бейеүҙәре ансамбле үҙенең 80 йыллығын билдәләне. «Башҡортостан» дәүләт концерт залында юбилей концерты уҙҙы.
Республика хөкүмәте коллективҡа гастролдәргә йөрөү өсөн яңы уңайлы автобус бүләк итте. Башҡортостандың мәҙәниәт министры Әминә Шафиҡова директор Алмаз Сәйетовҡа автобус асҡысын тапшырҙы һәм Башҡортостан Республикаһы башлығы Радий Хәбировтың ҡотлауын уҡып ишеттерҙе.