Бөгөн Ҡырмыҫҡалы районынында легендар 112-се Башҡорт кавалерия дивизияһы командиры, генерал-майор Миңлеғәле Шайморатовтың тыуыуына 120 йыл тулыуға арналған саралар үтә.
Ҡырмыҫҡалы районының Тауһеңер ауылы эргәһендәге майҙанда 112-се Башҡорт кавалерия дивизияһының һәм һауа һуғышының хәрби-тарихи реконструкцияһын күрһәтәләр. Унда генералдың бала сағынан алып һуғыш яланына ингән мәлдәре сәхнәләштерелә. Шайморатов ролен, төрлө йәштәрҙәге мәлен артистар Хөрмәтулла Үтәшев, Руслан Хайсаров, Урал Мортазин башҡара.
Театрлаштырылған тамаша, хәрби йылдарҙың интерактив майҙандары, ат сабышы, «Ылаҡ» милли уйыны ҡаралған. Шулай уҡ билдәле сәнғәт оҫталарының, һәүәҫкәр коллективтарҙың концерты ойошторола.
Данлыҡлы генерал Миңлеғәле Шайморатовтың тыуыуына 120 йыл тулыуға арналған сараға килгән халыҡ иғтибарына бик күп күргәҙмәләр ҙә тәҡдим ителде. Яугир кейемдәре, ҡоралдар, эҙләнеү эштәрендә табылған әйберҙәр, дивизия менән бәйле сувенирҙар.
Сығанаҡ: В Кармаскалинском районе проходят мероприятия к 120-летию Минигали Шаймуратова