Өфөнөң Еңеү паркында Китап кәштәһе менән таныштырыу уҙҙы
15 августа Өфөнөң Еңеү паркында Китап кәштәһе менән таныштырыу уҙҙы. Уның инициаторы — «Российская газета» баҫмаһының Өфө филиалы редакцияһы.
Бәләкәй генә ағас өй хәрби техника янындағы майҙансыҡта урынлашҡан. Ул урындағы интерьерға тап килеп тора.
Баҫмала белдереүҙәренсә, «РГ» мәғариф проекты республиканың Урман хужалығы министрлығы, Өфө урман-техника техникумы һәм баш ҡаланың Орджоникиджзе районы хакимиәте белгестәре булышлығында тормошҡа ашырылған. Урман-техника техникумының балта оҫтаһы Марат Ялаев ҡыҫҡа ваҡыт эсендә классик әҫәрҙәр, «РГ» журналистары китаптары, шулай гәзиттең һәм «Родина» журналының яңы һандары өсөн ағастан күркәм кәштә яһаған.
Теләгән һәр кем үҙенә оҡшаған китапты йәки журналды алып уҡый ала. Иң мөһиме, алмашҡа икенсе китап ҡалдырырға онотмаҫҡа кәрәк.
