Өфөлә ҡала үҙәк китапханаһында Башҡортостан фоторәссамдары союзы ағзаһы Юрий Астафьевтың шәхси күргәҙмәһе асылды. Ижади күргәҙмәлә башлыса Башҡортостандың күркәм тәбиғәте, урындағы халыҡтың көнкүрешен сағылдырған әҫәрҙәр урын алған.
«Был фотоһүрәттәр аша тыуған яҡ тәбиғәтенең матурлығын күрһәтергә теләнем. Уларҙа Урал төйәгенең күркәм урындарға бай икәнлеге күренә. Күргәҙмәгә бынан ун йыл элек үк һәм быйыл ғына төшөрөлгән һүрәттәремде лә ҡуйҙым», - тине Юрий Астафьев.
Күргәҙмә 27 июлгә тиклем эшләй.
Сығанаҡ: https://kulturarb.ru/ru/news/v-ufe-otkrylas-personalnaya-vystavka-fotohudozhnika-yuriya-astafeva