Башҡорт теле көнөнә арналған сараларҙы ойоштороуҙа һәм үткәреүҙә күрһәткән ярҙам өсөн бер төркөм йәмәғәт, сәнғәт, фән эшмәкәрҙәренә бөгөн Рәхмәт хаттары тапшырылды. Башҡорт дәүләт опера һәм балет театрында тәбрикләү тантанаһы уҙҙы. 

Ошо көндө ҡатнашыусыларҙы Мәҙәниәт министры урынбаҫары Рәнис Алтынбаев, Мәғариф министрлығының милли мәғариф үҙәге етәксеһе Булат Зиннуров, Бөтә донъя башҡорттары ҡоролтайы Башҡарма комитеты рәйесе Искәндәр Юлдашев, Башҡорт телен һаҡлау һәм үҫтереү фонды етәксеһе Гөлназ Йосопова ҡотланы.

«Быйыл башҡорт теле көнөн дәүләт кимәлендә үткәрергә ҡарар итеү – тарихи мәл. Шулай уҡ, Бөтә донъя башҡорттары ҡоролтайы тәҡдиме менән 2020 йыл Башҡорт теле йылы тип иғлан ителде», – тине Искәндәр Юлдашев. 

Тулыраҡ бында.

Динара Йөҙлөкбаева фотолары.