2019 йылдың 15 июнендә Өфөлә Башҡортостандың 100 йыллығына арналған «Евразия йөрәге» халыҡ-ара сәнғәт фестивале гала-концерт менән тамамланды.

Фестивалде яҡташыбыҙ, Салауат районында тыуып үҫкән Азат Шахмөхәмәтов етәкселегендәге Рәсәйҙең Милли гвардия ғәскәрҙәре өлгөлө оркестры асты. Улар тамашасыларға яңы премьера – ике тапҡыр Советтар Союзы Геройы Муса Гәрәевкә арналған «Рәсәй һауаһы» тигән композицияны бүләк иттеләр.

«Мәҙәниәт министры Әминә Ивний ҡыҙына рәхмәт. Уның саҡырыуы һәм Росгвардия етәкселегенең ярҙамы арҡаһында беҙ ошондай һоҡланғыс майҙанда сығыш яһау бәхетенә эйә булдыҡ. Өфө дәүләт сәнғәт академияһында булдыҡ, артабан Салауат, Стәрлетамаҡ ҡалаларына концерт менән юлланасаҡбыҙ», – тине Росгвардияның симфоник оркестры етәксеһе, Башҡортостандың атҡаҙанған артисы, подполковник Азат Шахмөхәмәтов. 

Был көндө шулай уҡ Мәликә Разакова, Владимир Маркин, Рәмил Ғәйзуллин, Шәрип Умханов, Наҙгөл Отузова, «Арғымаҡ», «Премьер , «Узорица»  төркөмдәре сығыш яһаны. «Евразия йөрәге» кисәһенең хедлайнеры Эмир Кустурица менән No Smoking Orchestra булды.

Сығанаҡ: https://kulturarb.ru/ru/news/v-ufe-zavershilsya-mezhdunarodnyj-festival-iskusstv-serdce-evrazii

Тура эфирҙар бында:

Фестивалдең 1-се көнө: https://youtu.be/iV6H_lcIfGQ

Фестивалдең 2-се көнө: https://youtu.be/LNf2Zl78nVI

Фестивалдең 3-се көнө: https://youtu.be/7bLFGwCmYRA

Фестивалдең 4-се көнө: https://youtu.be/lE6L3I1oXLI