23 февраль – Рәсәй халҡының барлыҡ быуындарын берләштереүсе байрам. Ул ҡаһарманлыҡ һәм батырлыҡ, илһөйәрлек һәм Ватанға тоғролоҡто мәңгеләштерә. Быйыл илебеҙ Бөйөк Еңеүҙең 75 йыллығын билдәләй. Ватанды һаҡлаусылар көнө ошо оло юбилейҙы байрам итеүгә старт бирә һәм илебеҙ тарихындағы бөйөк көндөң яҡынлашыуын белдерә, халҡыбыҙҙың батырлығын йәнә бер кәүҙәләндерә.