Ырымбур өлкәһенең билдәле башҡорттары тураһында энциклопедия баҫмаға әҙерләнә. Бының турала Башҡортостан Башлығы вазифаһын ваҡытлыса башҡарыусы Радий Хәбиров менән сит төбәктәрҙә йәшәгән башҡорт йәмәғәтселеге вәкилдәре осрашыуында билдәле булды.

Баҫмаға әҙерләнгән энциклопедия тураһында күберәк осрашыуҙың делегаты, энциклопедия төҙөүсеһе Фәнил Ишбулатов.

«Былтыр Башҡортостан Республикаһының 100 йыллығына арналған Ырымбур өлкәһенең билдәле башҡорттары тураһында энциклопедия эшләргә теләнек. Ҙур эҙләнеү эштәре башҡарҙыҡ. Бер йыл эсендә 150-170 шәхес тураһында биографик материал йыйҙыҡ, фотоһүрәттәр таптыҡ. Ошо көндәрҙә текстты йыйыуҙы башлайбыҙ, техник яҡ ҡына ҡалды» — тине ул.