М. Аҡмулла исемендәге Башҡорт дәүләт педагогия университетының «Ҡорос» халыҡ театры «Мәҙәниәт» милли проекты сиктәрендә үткән «Театрлы Волга буйы» фестивалендә ҡатнашып, еңеүселәр рәтенә сыҡты, ил кимәлендә республикабыҙ данын лайыҡлы яҡланы.

Ошо уңайҙан яңыраҡ ижади төркөмдө һәм уның етәксеһе Илнур Лоҡмановты Рәсәй Федерацияһы Президентының Волга буйы федераль округы вәкиллеге аппаратының Башҡортостан буйынса баш федераль инспекторы Михаил Закомалдин Рәхмәт хаттары менән бүләкләне.