Кисә, 8 ғинуарҙа, «Башҡортостан»дәүләт концерт залында «Башҡорт йыры» телевизион конкурсының гала-концерты уҙҙы. Артистар менән Башҡортостан Республикаһының Милли симфоник оркестры сығыш яһаны. Оркестрҙың дирижеры – Дмитрий Крюков.
Марсель Ҡотоев, Иҙел Аралбаев, Рәфис Сирусин, Гөлсөм Бикбулатова, Гөлнара Вәлиева, Дамир Тайыпов, Заһир Иҫәнсурин кеүек йырсылар Башҡортостандың күренекле шағирҙары Назар Нәжми, Рәми Ғарипов, Сафуан Әлибаев, Уран Кинйәбулатов, Рәмил Сурағол шиғырҙарына яҙылған йырҙар менән сараны башлап ебәрҙе.