Билдәле телсе-ғалим, тарих, тел һәм әҙәбиәт Институтының ғилми етәксеһе Фирҙәүес Хисаметдинова эшләгән Башҡорт мифологияһы һүҙлеге Өфөлә донъя күрҙе. Һүҙлек башҡорт мифологияһының геройҙарын, символдарын, төп сюжеттарын яҡтырта. Һүҙлек мәҡәләләре лингвистик һәм фольклор миҫалдар менән нығытылған. Китап этнологтарға, фольклорсыларға, төркиәтселәргә, тарих һәм әҙәбиәт, донъя мәҙәниәте уҡытыусыларына файҙалы була.