Сараның маҡсаты булып башҡорт мәҙәниәтен танытыу, мәҙәни бәйләнештәрҙе нығытыу тора. 

Башҡортостан Президенты Рөстәм Хәмитов 2015 йылда күренекле дәүләт эшмәкәре – Зыя Нурыевтың тыуыуына 100 йыллыҡты байрам итеү тураһында указға ҡул ҡуйҙы.

Шаран районының Дүртөйлө ауылы мәктәбендә Геннадий Топольниковтың картиналарынан һәм Раил Мусиндың фотоларынан торған күргәҙмә эшләй.

Баш ҡаланың 140-сы башҡорт гимназияһында уҙғарылған ярыш — Зәйнәб Биишеваның ижады һәм тормошона арналған I республика олимпиадаһы — халыҡ яҙыусыһына бәйле сараларға йомғаҡ яһап ҡуйҙы кеүек.

19 февраль 15.00 сәғәттә Башҡортостан Республикаһы Яҙыусылар союзында билдәле башҡорт шағиры Риф Тойғонға арналған кисә үтә. 

Башҡортостан Республикаһының Әхмәтзәки Вәлиди исемендәге Милли китапханала консервация һәм реставрация үҙәге ойошторолдо, хәҙер ул кәрәкле ҡорамалдар менән менән йыһазландырыла, китап ҡомартҡыларын яңыртыу буйынса эштәр тулы көйҙә бара.

Н.Добролюбов исемендәге Түбәнге Новгород дәүләт лингвистик университеты “Беренсе һыҙат” исеме аҫтында Бөтә Рәсәй күләмендә студент матбуғаты конкурсын иғлан итте. 

"Беҙ Мәжит Ғафуриҙы уҡыйбыҙ" тигән халыҡ-ара әҙәби-нәфис конкурс иғлан ителде. 

Театрҙар өсөн март – гастролдәр миҙгеле. Быйылғы яҙғы гастролдәрен Мәжит Ғафури исемендәге Башҡорт академия драма театры үҙенең 95 йыллыҡ юбилейына һәм Мәҙәниәт йылына бағышлай.

Өфөнөң «Аҡбуҙат» ипподромында башҡорт лицей-интернатын тамамлаусылар ҙа XXII Олимпия уйындарында арнап үҙенсәлекле сара ойошторҙо. 

15 февраль көнө Мәжит Ғафури исемендәге Башҡорт дәүләт академия драма театры сәхнәһендә шаулап-гөрләп Рәсәйҙең атҡаҙанған, Башҡортостандың халыҡ артисы Рәүис Заһитовтың юбилей бенефисы уҙҙы.

Дүртөйлөлә башҡорт халҡының мәшһүр улы Назар Нәжмиҙең тыуыуына 96 йыл тулыуға арналған саралар булды. 

Рәсәй йәштәрендә илһөйәрлек тәрбиәләнмәй, тигәнде йыш ҡабатлайҙар хәҙер һәм бының сәбәбен пионер, комсомол ойошмалары булмауға бәйләйҙәр.

"Байыҡ - 2014" республика телевизион бейеү конкурсының һайлап алыу турында Әбйәлил, Хайбулла, Бөрйән, Йылайыр, Ейәнсура, Баймаҡ, Күгәрсен райондарының һәм Сибай ҡалаһының бейеүселәре үҙ һәләттәрен, бейеү оҫталығын күрһәтә алды.

15 февралдә Мәжит Ғафури исемендәге Башҡорт дәүләт академия драма театрында Рәсәйҙең атҡаҙанған, Башҡортостандың халыҡ артисы Рәүис Заһитовтың юбилей бенефисы үтә.

Мостай Кәрим исемендәге Миили йәштәр театры тамашасыһын 13 һәм 14 февраль ҡыҙыҡлы бүләк көтә. Иң матур байрам – Ғашиҡтар көнөнә арнала ул. 

Мәшһүр «Урал батыр» ҡобайырын яттан һөйләүселәр хәҙер байтаҡ. Әммә тере хәтерҙән быуындан быуынға тапшырылып килгән тексты һөйләү быға тиклем күҙәтелмәне тиерлек.

Мәжит Ғафури исемендәге Башҡорт дәүләт академия драма театрында ғашиҡтарҙы көтөп ҡалалар!

Силәбе өлкәһенең Ҡоншаҡ районында «Башҡортостан» дәүләт телерадиокомпанияһының «Юлдаш» радиостанцияһы башҡорт телендә тапшырыуҙарҙы трансляциялай башланы, тип хәбәр итте БР төбәктә даими вәкиллеге матбуғат сәркәтибе Михаил Хәбиров. 

Ошо көндәрҙә баш ҡалабыҙҙың "Алма" антикафеһында шағир Ғилман Ишкининдың ижадын үҙ итеүселәр, көндөң 40 градусты үтеп һалҡынайыуына ҡарамаќтан, йылы усаҡ янына йыйылған һымаҡ, уртаҡ тойғо, уртаҡ юғалтыу эҙенән тупланды.