Радий Хәбиров халҡыбыҙҙың легендар батыры Миңлеғәле Шайморатовҡа Герой исемен юллауы хаҡында әйтте
Бөгөн Ҡырмыҫҡалы районының Тауһеңер ауылы эргәһендәге майҙанда легендар 112-се Башҡорт кавалерия дивизияһы командиры, генерал-майор Миңлеғәле Шайморатовтың тыуыуына 120 йыл тулыуға арналған саралар үтте.
Байрамда Башҡортостан Башлығы вазифаһын ваҡытлыса башҡарыусы Радий Хәбиров, Башҡортостан Республикаһының мәҙәниәт министры Әминә Шафиҡова һәм башҡа почетлы ҡунаҡтар ҡатнаштылар.. Радий Хәбиров үҙенең сығышында халҡыбыҙҙың легендар батыры Миңлеғәле Ғөбәйҙулла улы Шайморатовҡа Герой исемен юллауы хаҡында әйтте:
«Башҡортостан Хөкүмәте, йәмәғәт ойошмалары күптән был исемде юллап алырға тырыша. Мин вәғәҙә итәм, дивизия командирына герой исеме бирелһен өсөн бар көсөмдө һаласаҡмын. Ышанам — миңә ярҙам итерҙәр».
